الاثنين، 18 مايو 2009

التحرش

فى الموضوع السابق تحدثنا وان كنت لم اجد النقاش كما كنت أقول فعلى الرغم من أن البعض كان مختلفا مع آخرين إلا أنه لم تنشأ حالة حوار كامل وهو ما قلته حين ناديت بأن تكون المنتديات حية والمقابلات وجها لوجه فهذا يعطى حيوية ومنطقية للنقاش نفتقدها حين يكون هناك حواجز
وعلى كل فسأطرح موضوعا آخر يؤرقنى فى مجتمعنا ودارت حولها مناقشات كثيرا لم تعطها ( فى رأيي )حقها لأنها كثيرا ما نوقشت بتعصب سواء من المتشددين أو المتساهلين وهى موضوع
التحرش

والذى انتشر مؤخرا ومن الجنسين وهى مواقف عاينت منها الكثير بعينى فى شوارع القاهرة فى أوقات مختلفة
أتمنى أن أجد الحوار موصولا

هناك 36 تعليقًا:

الوردة البيضا يقول...

السلام عليكم
الصديق الأزهري
أتمنى أن تكون بخير حال.
كنت في زيارة لمدونة الصديقة كيارا (عالم مولان)وعلمت منها أنك تحتفل هذه الأيام بعيد ميلادك. لذا وجبت التهنئة، وعيد ميلاد سعيد.
أما موضوع التحرش، فهو من الأمور التي ابتلينا بها للأسف، والتي نمت وتضخمت بشكل رهيب في السنوات الأخيرة كما لو كان مجتمعنا المصري لا تزال تنقصه بعض المصائب والكوارث !!!
وكما ذكرت فإن ما يثير العجب أن التحرش أصبح في بعض الأحوال من الجنسين... ولا حول ولا قوة إلا بالله.. الأسباب طبعا معروفة: أولا قلة عقل وعدم احترام للنفس أو للغير... ثانيا: الابتعاد عن الدين، ثالثا: حتى الأخلاق العربية التي كنا نشتهر بها في الماضي من شهامة ومروءة وغيرة حتى على بنات الجيرة أو بنات الوطن انتهت وأصبحت موضة قديمة، بل إن الأدهى أن الناس يشاهدون المتحرش دون أن يتدخلوا ولو بكلمة للدفاع عن الضحية المسكينة.
لن أقول أن من ضمن الأسباب ارتفاع سن الزواج وصعوبة إشباع الغريزة بالحلال، لأن المسألة تعتمد أولا وأخيرا على أخلاق الشخص نفسه واحترامه لنفسه، فكم من شباب آخرين لم يرزقهم الله بعد بالزوج أو الزوجة الصالحة لكنهم يتمسكون باحترامهم لأنفسهم وبأخلاقهم وتدينهم ولا يمكن أن يقبلوا على مثل هذا الفعل الشنيع.
يضاف طبعا بند مهم جدا وهو عدم وجود رادع قانوني مناسب يوقف مثل هؤلاء الشواذ عن كل قواعد العقل والمنطق والاحترام عن ارتكاب جرائمهم البشعة.
تحياتي واحترامي لك يا صديقي وكل سنةوانت طيب

Unknown يقول...

التحرش يتلخص في كلمة واحدة : التربية

تحياتي

jehan يقول...

اممممممممم ده موضوع كبير قووى يا ازهرى وليه اكتر من سبب وليه اكتر من جانب ووسليه لردعه

بس بالمختصر المفيد

الشخص المتحرش
1/ ما بيبقاش عنده تربيه سلميه < يعنى اسره مافيهاش اساس تروبى سليم > 2/ مافيش اساس دينى عنده.
3/تأثره بالمناظر الى بيشوفها سواء على الطبيعه او التى فى والكليبات

غالبا الشخص المتحرش بيبقى الغلط الاكبر عليه حتى وان كان المتحرش به مثير ليه
بس يقع الغلط الاكبر على الشخص الى بيتحرش

يعنى لان احيانا نلاقى انسان محترم ولد شيك ومحترم وماشى وتلاقى بنت راحت معاكساه علشان عاجبها قميصه مثلا او العكس تلاقى بنت ماشيه محترمه وكل ذنبها ان عينها حلوه مثلا تلاقى الولد راح معكسها
وهكذا


يعنى نقدر نقول الغلط من الناحتين بس من ناحيه المتحرش اكبر

العقوبات بقى لازم يبقى فى عقوبه جامده جدااا

على المتحرش وكمان على اهله لانهم هما الى اسائوا تربيته
ومعرفهوش ان اى شخص ماشى فى الشارع المفروض هو اخ او اخت ليه والمفروض يحافظ عليه مش يتحرش بيه

ولازم العقوبات تكون اجتماعيه وتربويه اكتر منها حبس وفلوس

يعنى خدمه اجتماعيه فى مستشفى او كده علشان يتعلم معنى الحياه بجد

Butterfly يقول...

معظم الناس لاما بتيجى تتكلم فى الموضوع
يقولوا ان الشباب فاضيه وعندها كبت وكلام فارغ
لكا طبعا من وجهة نظرى ده مش صح
الموضوع ناشئ من التربيه من الأول والأسره والأخلاق عند الناس كلها .

أمل حمدي يقول...

ازيك يا أزهري

كل سنة وأنت طيب وعقبال مائة سنة


التحرش

مرض من أمراض النفس البشرية الضعيفة الفاقدة للاهلية وللتعايش فأصبحوا كالبهائم


اللهم عافنا واعف عنا واهد شبابنا اللهم امين

تقديري

dr.lecter يقول...

تخيل شباب زي الورد ظروفهم وحشه والمجتمع رافضهم لاسباب عديده مستواهم التعليمي اقل ومستواهم الاجتماعي ومستواهعم المادي
وبيبص لهم بصه دنيويه وشايفين القطار بيعدي من ادامهم وحياتهم مالهاش قيمه

بيحس انه مهمش وانه مالوش لازمه

بيحس بالغضب والكبت والرغبه في الانتقام واذلال المجامتع وتنكيس راسه

فيدور علي اقرب حاجه وهي الستات والبنات

لما بيتحرش بهم مش بيتحرش علشان هو هايج جنسيا ولا عنده شبق

هو بينتقم ويببصق علي المجتمع وبيطلع له لسانه بشده رغبه في رد الصفعه له
بيحاول يعمل اي حاجه تحسس انه هو عايش
ويثبت وجوده


طبعا انا ضده وشاليف شيء غير حضاري

لكنلازم يبقي له حل

التحرش مش عباره عن جنس

هو له ابعاد اعمق من كده بكتيير لازم تدوروا عليها

رؤية يقول...

ثوانى
ثوانى
ثوانى

مش فاهمة
يعنى ايه من الجنسين؟!!!!!!!!!!!!!!!

اما عن حالاته الشائعة فحاجة تقرف
اما عن الاسباب فمتعددة
قد ترجع لاسباب نفسية بحتة متعلقة بالمغامرة واثبات الذات
قد ترجع لعدم الوازع الدينى
وقد ترجع لعدم الاستقرار فى علاقة الازواج
او قد ترجع لعدم امكانية الزواج
اسباب متعددة لكنها لا تكفى سببا
اضف الى ذلك ان ادمية الانسان صارت شبه منعدمة عند البعض
واصبح المفضل عندهم التدنى لمستوى حيوان ضال فى الطرق
فكل هذه الاسباب وجودة على مر الازمان باختلاف نسبها
لكن تلك الجراة فى الاقدام على مثل تلك الافعال مايثير التساؤل الحقيقى؟!
لماذا اصبح الخطا بشتى صوره ياخذ اشكالا جلية ولا يلقى رادع مناسب وتدابير كافية لمنع حدوثه؟



ولا مزيد من التعليق

تحياتى

الشعب لابد له من حكومه تشكمه يقول...

تعرف انى بقيت اخاف امشى والله فى الشارع ولو حد قرب جمبى بتنتابنى حاله من الرعب..
انا مش فاهمه ايه اللى حصل للشارع المصرى اللى كان كله نخوه وشهامه.وياريت محدش يقول ان لبس البنات لانى شايفه ان ده مش مبرر ابدا هى ياسيدى مش محترمه وقالعه خليك انت محترم وانت مالك ومالها..

سبب التحرش ده ان الناس مبقاش عندها حدود او خطوط حمرا كل حاجه بقت عاااااااادى ودى المشكله اننا بقينا فى زمن العادى..حتى نستحل ما حرمه الله ونقول عادى...

maha zein يقول...

الولد عليه ملامة كبيرة بشدة لانه يتحرش بأي بنت
و البنت عليها ملامة بردو في انها المفروض تتقي ربنا في تصفراتها ومظهرها
الاتنين مسؤلين عن التحرش

جلال كمال الجربانى يقول...

السلام عليكم ورحمه الله وبركاته
أنا بأيد رأى أخونا
المعلم محمد صاحب المطعم - طعمية سخنة
أن التربيه وبضيف عليها وعدم وجود البعد الدينى
هم المنبع الأساسى المغذى لظاهره التحرش

وللحديث بقيه

ودمت فى أمان الله وحفظه

Unknown يقول...

السلام عليكم ورحمة الله
كيف حالك اخى
والله ابلغت رسالتك الكريمة لماما امولة
واعتذر عن التأخر فى الرد
لان النت كان فاصل عندى


التحرش
فقدان تربية
اعلام محرض (واسأل تامر باشا حسنى )
اختفاء لدور الدين
كبت
فراغ
سلبية

يعنى كوكتيل حاجات عايزة تظبيط
عارف اقولك كمان
بجد فقدان للانتماء تقولى ازاى بقى
اقولك زمان كان فى حاجة اسمها بنت حتتى والواد يتخانق عشان نحديش يجى نحية بنت حتة
الوقت لو الحتة كلها انحرقت عادى

تحياتى

Unknown يقول...

التحرش هو إحدى إفرازات أمور كثيرة طرأت على مجتمعاتنا .. أولها ضعف الوازع الدينى الناتج عن انسحاب الدين من حياتنا .. وكذلك تدهور المستوى التعليمى فى منشآتنا التعليمية.. وضعف الروابط الأسرية التى نتجت عن انشغال الأب والأمة عن الأبناء بلقمة العيش...
وكذلك موجة العرى التى اجتاحات حياتنا عن طريق أهل الفن سامحهم الله...

Unknown يقول...

بسم الله الرحمن الرحيم
السلام عليكم ورحمه الله وبركاته .
الأخ العزيز ...وكل من يشارك معكم ..
الطرح ممتاز والعلاج يحتاج لكثير من الوقت لان الداء غير متأصل في المجتمع المصري الأصيل ...الأزمه يا سيدي كما يخُيلُ لي مُفتعله لأظهار عورات المجتمع .
وأول أسباب نجاح تفشيها اننا الي الآن لم نحدد لنا هويه ...وكلٌ يطير الي فصيلته التي تأويه عندما تطم الطامه . لو حددنا هل نحن مجتمع مسلم نستطيع ان نعالج المشكله من خلال هذه النافذه ...أم نحن مجتمع حر ...علماني ...غربي...شياطيني !!!!
وأهم ما يميز المجتمع الفاضل إنكار المُنكر . والسكوت عن الحق هو بدايه صعود الباطل ...سكتنا عن الحق كتيرررررر.
كُنتم خير أمه ....
تأمرون بالمعروف وتنهون عن المنكر .

جلال كمال الجربانى يقول...

السلام عليكم ورحمه الله وبركاته

أنا أخاصمك يا أزهرى يامتفتح !!!
أنا ممكن أخاصمنى
لكن أنت لأ
وأنا كنت عندك يوم 11/5
وبعدين أنت كان المفروض تدير النقاش وتخبطنا فى بعض زى فيصل القاسم

ملحوقه يا أزهرى

ودمت قى أمان الله وحفظه

kochia يقول...

السلام عليكم
الحقيقة لاني من زمان مرغتش هنا حاسة بافتقاد لهذه المدونة المليئة بالتساؤلات
ابدأ بالتحية ويارب تخلص علي خير
واتفق معك ان الحوار المفتوح افضل في النقاش وان كان هيبقي فيه كلام كتير جدا
-----------------------------------
نيجي بقي للتحرش
الاول يعني ايه تحرش ؟؟؟
كلمة ناس كتير بتقولها علي المعاكسات التي وصلت الي خدش الحياء
لان زمان كان فيه معاكسات كتير لا تخدش الحياة ترجع البنت بعدها البيت مبسوطة انها لفتت نظر احد او بعض الشباب وهذا شئ يرضي غرور الانثي في كل مكان .. وزمان ..
لكن التحرش هو معاكسة مبتذلة بلفظ او حركة او لمسة خادشة للحياء او متجاوزة للحدود
-----------------------------------
طيب نيجي لسؤال تاني
ايه هي الحدود بتاعة المعاكسات الخادشة للحياء .. هل هي حدود ثابتة مع الجميع ؟ ام متغيرة من شخص لاخر ؟
هي متغيرة طبعا
اذا كنت انا اعتبر النظرة ذات المعني المبتذل خادشة للحياء وتحرش فلا يعتبرها غيري كذلك ..
الكلمة اولا لازم تعرف تعريف صحيح في المجتمع عشان نقدر نوجد لها حدود ومعالجات بعد ما نعرف لها اسباب
-----------------------------------
الشق الثاني
هناك شباب وبنات كتير بيصاحبوا يعني بيمشوا مع بعض بدون حب او بدون وعد بالزواج .. ايه اللي يخلي هذا الشاب يلجأ للتحرش اذا كان عنده صديقة من هذا النوع .. وهذا ما يحدث بالفعل
فالتحرش يقع كذلك من المتزوجين .. ومن الشباب من كل الاعمار
واذا قلنا ان الشباب الصغير كمان بيتحرش .. ليه ولد في اعدادي مثلا يقول لفظ خادش للحياء او يصل به الامر لمد يده علي انثي ما في الشارع ؟؟
-----------------------------------
جزء اخير
لماذا الان علي حد قولم البنات ايضا اصبحت تعاكس وان كانت لا تخدش الحياء كما اعتقد لكنها قد تتحرش سلميا برجل لمجرد لفت الانتباه ؟
-----------------------------------
انا تفسيري لهذه الظاهرة
هي عدوان علي المجتمع
كل هذا التحرش والايذاء موجه للمجتمع ككل
حالةو غضب تعتري الجميع مكبوتة لا يستطيع احد التعبير او التنفيس عنها
كره عارم لكل من اخذمني حقا ولكل من شغل وظيفة كنت ارجوها ولكل من اكل لقمة عيش تنمنيتها
هو تصرف مواجه لاي قهر نعيشه
مجرد اثبات قوة
وانني استطيع !!!!
وافعل !!!!

والعلاج في رايي لا يبدا من الشارع الذي وصل لادني ردجات الانحلال
بل من البيت .. الرضا .. اعطاء كل ذي حق حقه .. تكافؤ الفرص .. احترام الاخر حتي لو كان اقل منا .....الخ
سلوك ان تحسن .. يؤدي الي تحسن سلوك اخر
-----------------------------------
اعتذر عن التطويل
اشكرك علي اثارة الموضوع

تحياتي

Kiara يقول...

بسجل حضور فقط

لكن راجعه البوست مهم جدااااااا

الازهرى يقول...

يا جماعة اعذرنى انا برضه هأجل رأيى شويتين منهالإنى حاسس إن الناس بتحط رأيها وهى مكسوفة أو مقتنعة بالموضوع أساسا
ومنهاالإمتحانات

أنا لاحظت أن فى الناس قالت التربية وناس تانية أكدت الكلمة
طيب يعنى ايه الترية وفين الغلط فيها
وكما ناس قالت انها بتكتب قشور الموضوع وطيب وليه مش لب الموضوع

وناس تانية قالت ان الموضوع عايز مدونة كاملة لمناقشته وبعدها كتبوا سطرين سد خانة ومشيوا


يا ريت يا جماعة الموضوع مفتوح للجميع للرد على الجميع واظن ان الكتابة غير مكلفة

فلنكتب رأينا فى الموضوع كاملا لكى نبين نقاط اخطأ وكيف يتلافى كل انسان مسباته وما الى ذلك من نقاط حول الموضوع


انتظر نقاشا اكثر قوة

ندا منير يقول...

يمكن انا لسة منزلة موضوع عندى فى المدونة عن المشكلة دى وانها موجودة بكثرة فى مكان محدد فى العاشر عشان كدة بطالب بالحد منها

ودى بقت مشكلة ملهاش حدود ولا ليها حل
حلها فى اللى بيعاكس دا يبقى عنده ضمير شوية وتدين

بالنسبة لو فى بنات بتعاكس ودا انا شوفته
دا بيبقى هبل وعدم اتزان فى الشخصية
وبرده ملوش حل الا ان البنت تعقل شوية

ريمان يقول...

والله مش عارفه اقولك ايه

بس براحه انا بيتحرق دمى اوى اوى


وانا القوتى دمى محروق من الاخوه المتحرشون فى الارض دول

مش عارفه ادعى لهم ولا ادعى عليهم

بس هو الموضوع كبري

وليه كذا زاويه

وليه ابعاد كتيره جدا

تحياتى ليك

MaNoOoSh يقول...

ناس كتير اتكلمت عن التربية والدين.. وهقول رأيي فى التربية.
التربية ازاي بتخرج شخص متحرش؟؟

الاب والام بيعلموا ابنهم الذكر ان جنسه أعلى من جنس الانثى.. وبالتالى فى عقل الولد تنمو أفكار دونية الانثى كجسد وعقل واستباحتها بشكل عام.

بما اننا فى زمن صعب الآباء بيعلموا الابن انه ياخد حقه.. لكن للأسف بيعلموه ياخد حقه بافتراء وجبروت وقلة أدب.. ولما يكبر شوية ويعرف معنى الكبت الجنسي بيتحرش بالانثى وهو حاسس كده انه بياخد حقه من الدنيا اللى كابتاه.

الأم والأب ملهيين فى الدنيا.. مش فاضيين يعلموا ابنهم يعنى ايه شهامة وجدعنة ورجولة.. لا بيعلموه بالتوجيه ولا حتى بسلوكهم.

النقطة اللى مش عارفة احللها بقى الولد اللى بيقول انه بيعاكس البنات السافلة أو يتحرش بيهم علشان يتلّموا.. الحقيقة الشخص اللى كدة مش عارفة هو بأمارة ايه ادى لنفسه حق تأديبها.. اللى عايز يعدل سلوك حد بيعدله بالحسنى والكلمة الطيبة مش بالشكل دة.

وبالنسبة للبنات ومبالغتها فى لبس ومكياج ومشيه وضحكة ولفتة والحركات القرعة دى.. فهى يا اما بتبقى قدام أهلها ملاك.. يا اما أهلها بيشجعوها على كدة سواء تحرر أو علشان يلاقولها صيدة يتجوزها بسرعة.

وبس كدة.. انا مش مرتبة افكارى قوى بس قلت اللى جه على بالى.

شمس النهار يقول...

الموضوع كله ازمة اخلاق
وتربيه
وتساهل في كل حاجه

صدى الصمت - عاشقة الورد - يقول...

الموضوع دة مهم جداً وللأسف بنتعرض لمعاكسات ومضايقات كثيرة برغم إن بنتى بتكون معايا يعنى واضح إنى ( أم ) ومش واحدة مراهقة
والغريب إن أيام الستينات كانت البنات والسيدات أغلبهم بيلبس لبس مفتوح وقصير ودة واضح من أفلام الأبيض وإسود وبرغم كدة كان الشباب محترم وبيخاف على البنات زى إخواتة تمام ولايمكن يعاكس او يبص لبنت جارتة أو ساكنة فى شارعهم
لكن اليومين دول رغم إن الحجاب والنقاب إنتشر ولكن التحرش زاد
مش عارفة والله ايه السبب
أحييك على طرح الموضوع الهام دة

akeed يقول...

السلام عليكم ورحمة الله وبركاته

اخى العزيز موضوع التحرش نجد الاعلام هو الذى قام بتصعيد هذا الموضوع بطريقة غير طبيعية لم نكن نعرف معنى هذه الكلمه على المعنى الواسع مثل الآن ولاكن دعنا نعرف سبب ذلك هو القصور فى التربيه للأولاد (ذكور - اناث) التربية ليست اسلامية و لا تحثهم على القيم والاخلاق التى امر بها الاسلام و ببساطة لو ارتدت الانثى الزى الاسلامى السليم فلن ينظر اليها الشباب و لا يمسونها بسوء ولا كن نجد فى شوارعنا عارضات ازياء بشتى انواع الزينة والتبرج التى تثير شهوات الشباب وايضا هذا ليس عذر للشاب فيجب ان يغض بصرة فتوجد بالشوارع ايضا غير المسلمات فغض البصر و التمسك بالدين يحمى ايضاً الشاب من الوقوع فى المحرمات .

ودعنا لا نطلق كلمة التحرش و نطلق كلمة غياب الدين فى كثير من البيوت .



تحياتى

Unknown يقول...

أزهري ...
السلام عليكم ورحمه الله وبركاته
رؤيه تقول ..
( اضف الى ذلك ان ادمية الانسان صارت شبه منعدمة عند البعض
واصبح المفضل عندهم التدنى لمستوى حيوان ضال فى الطرق )
آسف سيدتي ...لا تسبي الحيوان بوصف أمثال هؤلاء به .الحيوانات أكثر فهما ووعيا لمعني هذه العلاقه فيما بينهم .
*الحيوان الذكر بشكل او بآخر يعرف ما إذا كانت الأنثي مُهيئه لتقبل هذه العلاقه للحفاظ علي النوع والجنس والبقاء ( سنه الحياه )أم لا ...
ويتصرف التصرف الصحيح دون إكراه انثاه . من الحيوان يا سيدتي ؟
* الذي لم يلتزم بأمر الله بغض بصره وقتل شهوه النفس المريضه . او التي لم تحترم آدميتها وتستر ما أمر الله بستره من عوراتها .
لكم كل الود و الأحترام ..
وبلاش تزعلوا الحيوانات مننا كمان .

fadfada يقول...

90 فى الميه من اسباب التحرش
من التربيه وال10 فى الميه الى فاضلين من نفسيه الشخص نفسه

thunder يقول...

بص يا عم انا مع dr.lecter فى كلامه
لية لانه متضمن نقاط كتيرة اوى من اللى عاوز اقوله
لكن دا بالنسبة للشباب انما لما بتنت هى اللى تعاكس بقة وفى عز الظهر وفى الزحامة كمان يبقة دى مبرره اية
؟؟!!دا اللى معرفتش اجاوب عليه لدلوقتى

بس هقولك ان وصلت الدش وانتشر الانترنت وان القرية الصغيرة اوى اللى كنا عايشن فيها اتساعت ويمكن دا سبب
شوية من الحالة وانتشاره
وهركز على الاعلام وخاصة الاعلام اللى بستهدف الشباب والفضائيات الخاصة اللى بتساعد نوع ما على دارية منها او سهو على فكرة انتشار التحرش ومش هقول البغاء طبعا هقول التحرش من
طبعا عرضموديلات وشوف اللقلب اللى بيطقوه عليهم موديل يعنى واحدة للعرض فى الاغانى وبعد كدا افلام وجملة فى الاول
للكبار فقط واخرهم دلوقتى دكان شحاتة
وبعد كدا طبعا النت ومواقع اللى كلنا عارفينها
اعتقد ان كل دا بيساعد وبينشر وبيرسخ شوية الحالية اللى فى الشباب
لكن فى المجمل الكل بيشارك فى الحالة دى من اسرة ناسية ترراقب تصرفات ابنائها ودولة حابة الشباب يعيش فى متهات واعلام بيدعم فكرة الروشنة عند الشباب بعرضهم الاسفاف دا
اخى دمت بكل حب و ود وفى رعاية الله وحفظه

فشكووول يقول...

الازهرى العزيز
فى موضوع التحرش حدث ولا حرج وله اسباب كثيره منها ماديه ومنها مجتمعيه ومنها ثقافيه
اما من ناحية الازمات
فنحن نعيش ثقافة الاثنين
ثقافه الازمه وازمة الثقافه لا ينفصلان وفى حاجه الى مناقشات مستفيضه وكما قلت من مختلف الجهات
على فكره الواد صعلوك انفصل عن فشكول وفضل الاستقلال التام او الموت الزؤام وعمل لنفسه مدونه جديده اسمها امير العرب ودا اللينك بتاعه آهه
http://blogmetadata.blogspot.com/
تحياتى

ألـــــــوان الحيــــــــاة يقول...

هو الموضوع ده فعلا ليه جوانب كتيرة
يعنى مش نتيجه تربية سيئة بس ولا ظروف اجتماعية صعبة وبس
لأ دى تراكمات على بعضها بتأدى لانتشار وتفاقم الظاهرة دى
يعنى ممكن تبقى بسبب حاله نفسيه عند الشاب انه ظروفه صعبه متخرج مش لاقى شغل قاعد عالقهوة
الاهالى بقت بتغالى اوى فى تكاليف الزواج مع انهم المفروض يراعوا الظروف والحالة الاقتصاديه اللى بتأثر عالناس كلها
فبتالى مش لاقى يتجوز فيلجأ للتحرش و احيانا بتوصل لجرائم الاغتصاب اللى زادت برضه كتير جداا
وبرضه بتيجى من ان الشباب بقى سطحى جدا ودماغه فاضيه فمعندوش حاجه يفكر فيها او يوجه افكاره ليها فبيوجها للتفكير بالطريقة دى
ده غير البعد عن الدين لانه اصلا لو كان بيطبق ابسط قواعد الدين وهى غض البصر مكنش وصل لمرحلة التحرش
وبرضه ما شاء الله الافلام والقنوات ماليه الدنيا والشباب بيتفرجوا للاسف وبيستثاروا من اللىبيشوفوه
وبرضه البنات بتساعد فى اللى بيحصل بلبسهم الضيق و كل واحدة نازله حاطه كيلو مكياج على وشها ومش عايزه حد يضايقها !!
بس بجد مش البنات هما السبب الرئيسى زى ما معظم الناس بتجيب العيب عليها
لأن لما واحده منتقبه تتعاكس فى الشارع يبقى اكيد مش ذنبها هى ده ذنب الانسان المريض اللى ضايقها
ايام زمان مكنش فيه لا نقاب ولا حجاب كان نادر جداا وكانت البنات بتلبس ميكرو جيب ومكنش حد بيسجرى يقربلها
ده حتى دلوقتى لما واحده بتتعاكس محدش بيدافع عنها ولا بيحاول يحميها
لو كان كل واحد بيعاكس وبيضايق بنات الناس اخد على دماغه مكنش الوضع هيوصل لكده اكيد
اما بقى بالنسبه لحكاية البنات اللى بتحررش فانا بصراحه مقدرش احدد اسباب بس هى اكيد حاجه بتنذر بمصايب جاينا لان لما البنت تفقد حيائها وتتصرف تصرفات زى دى تبقى اكيد مصيبه ومش حاجة طيبيعيه ابدا

شكرا لطرح الموضوع المهم ده وهاجى اكمل المناقشة

rovy يقول...

لسلام عليكم اخى الازهرى
ادعوا الله ان تكون بخير حال و اعتذر لتأخيرى ..
الحقيقه اخى الفاضل التحرش ناتج من انعدام التربيه عند البعض و قلتها عند البعض الاخر الا من رحم ربى ..
ايضا القنوات الفضائيه و الاباحة التى اصبحت شىء عادى و غياب دور الدين و الاعتدال الذى فقدناه فى مجتمعنا و الاهم من ده كله بجد غياب دور الامن يعنى اى حاجه بتحصل فى الشارع لا تجد رجل امن متواجد و لو حتى مخبر يتصدى لها او يحاول حماية افراد الشعب او العمل على توفير الامن و الامان فى الشارع عموما ..
كمان النخوه اللى ضاعت من عند الناس
كل واحد ماشى فى حاله و يقول و انا مالى مهما حصل مفيش حد بيتدخل او يعتبر البنت دى بنته او اخته او زوجته او حتى امه .. كل واحد بيقول نفسى و هو مش فاهم ان سلبيته دى حتلف و ترجع له و لأقرب الناس اليه
حاجات كثير ضاعت و اتغيرت فى شبابنا و المجتمع كله .. ربنا يلطف بينا و يرحمنا ياارب

نقديرى و تحياتى

r يقول...

السلام عليكم
شوف الموضوع احيانا بيكون تقليد من باب التجربه
لانه احيانا بيصدر عن ناس متعلمه ومتربيه
واحيانا يصدر من ناس تانيه مش هقول مكبوته والكلام دا
لانها احيانا تصدر عن متزوجين يبقى هيكون ايه دافعه
هقول هو عدم خوف من الله اولا
يعنى مش فارقه معاه
ونقول نقص ثقه بالنفس
وعدم احترام للمرأه بصفه عامه
لان بيكون مقتنع ان الموجود والماشى فى الشارع حق انه يأذيه بتصرفاته وبقله ادبه وتربيته
والموضوع لا يختلف بين اولاد صغيرين يمكن ابتدائى
ورجال كبار فى سن الوالدين
هو عمليه نفسيه بردوا متهيألى حد دارس علم نفس لازم يشرحلنا الناس دى ايه بالظبط الى جواها

هقول زن على الودان من الافلام والاغانى ومواقع النت
لانه بيصور المرأه كسلعه مباحه لايد اى حد

الدور اعتقد للامن اللى احيانا رجاله نفسهم بيكونوا جزء من التحرش نفسه فى الشارع

بصفه عامه انا بشوف انه لم يعد فى اى امان لاى حد وفى اى مكان
والستر من عند ربنا
ولكل بنت او سيده اقولها ما تنسى دعاء الطريق لان ربنما بيحفظ من يحفظه فى سره
وعلانيته يعنى اللبس ثم اللبس ثم اللبس المحترم
اما الشباب المتحرش
فقولهم
ربنا يحرقكم بنفس عملكم
وافتكروا ان الديان لا يموت

وربنا يقينا جميعا شر الطريق والمتحرشين

جلال كمال الجربانى يقول...

السلام عليكم

أين أنت أيها الأزهرى المتفتح
كنت فى جوله تفقديه لمدونات الحبايب
ووجدتك مريح لعل المانع خير
طمنا عليك

ودمت أخى بخير

فشكووول يقول...

العزيز الازهرى
تحياتى
كل سنه وانت طيب بعيد ميلادك الـ 25 مش قلت لك انا فتان وح اقول على كل حاجه
وبعدين انا بزود من عندى سنتين مش مشكله
نيجى بقى لحكاية التحرش ... شوف يا سيدى
الموضوع لازم يتناقش من جذوره .. بس شويه من خلف ستار عشان التدوين مسئوليه ولازم الكلام يكون محترم شويه

والموضوع يستلزم مناقشته من الناحيه العلميه ثم من الناحيه الدينيه ثم من الناحيه الموضوعيه
من الناحيه العلميه
كلنا يعرف ان الاصل يحن للفرع
وحواء خلقت من ضلع آدم
يبقى آدم دائم الاشتياق الى فرعه (حواء)
واحيانا يحن الفرع لاصله(ادم)
يعنى ان الحنين من الاصل للفرع ومن الفرع للاصل (حواء وآدم)
وهذا الحنين لا يشبعه غير اللقاء
وهذا اللقاء هو الغريزه .. والله تعالى خلقنا بهذه الغريزه ولذلك شرع الله الزواج لاعمار الارض بالبشر من هذه الناحيه .. والا فالانسان بطبعه انانى محب لذاته ان لم توجد هذه الغريزه فلن يكون هناك عمار للارض .. طبعا فاهم
وكما يحس الانسان بالجوع والعطش يحس بالغريزه ولا يكون هناك اشباع الا بها ولا تثريب على البشر فى اشباع الغريزه ولكن بالطرق الشرعيه التى حللها الله سبحانه وتعالى
هذا من الناحيه العلميه والدينيه
اما من الناحيه الموضوعيه
ابتلى مجتمعنا بحالة من العجز المجتمعى والعجز المادى مما حال دون اتمامها بالطرق الشرعيه والتى قننها وشرعها الله سبحانه وتعالى - بطاله - اجور متدنيه - انحلال مجتمعى - انحلال دينى -انحلال خلقى..
واصبح الشباب عاجزا عن اشباع حاجاته وعاجزا عن مجرد الامل ... فماذا يفعل
فى هذه الايام ومع ازدياد دعاوى التحرر ودعاوى الحريات والمؤسسات التى تدعو الجنس الاخر قبل الجنس الخشن الى الحريات المطلقه
ومع انتشار المناداه بالحريات المثليه ومنع الختان وخلافه(طبعا مش عارف اختصر اكتر من كدا ومش عارف اصرح بالكلام على المكشوف)
ومع عجز الشباب عن مجرد الامل
ومع عدم وجود القدوه
تحدث هذه الاشياء ويزيد التحرش من الجنسين
فى النهايه انه مرض اجتماعى متعدد الاسباب.
وكفايه كدا عشان ما ينفعش اكتر من كدا
وتحياتى

صوت من مصر يقول...

بص انا فضيتلك خلاص
اولا سؤال
اشمعنى القاهره
ثانيا التحرش موجود فى جميع دول العالم ومش فى مصر بس
وياريت الناس تفهم كده بجد

فشكووول يقول...

غبت كتير يا ازهرى هو الموضوع كيميا ولا ايه

سندس وأمل يقول...

بص جمع ياازهرى من كل تعليق الى

عاجبك فيه وده هيكون تليقى:)

بس احب اعلق على الاخ (صوت من مصر)

اولا القاهره ده مثل من الامثله...

ثانيا يعنى مادام التحرش موجود فى

بقيت الدول يبقى احنا مش نعالجه!!!

ونسيبه ولا ايه؟

سندس

فشكووول يقول...

ازيك يا ازهرى
كنت عايز اصبح عليك الصبح .. يظهر انت اللى كنت فى مكان الارسال فيه ضعيف
خد بالك يا ازهرى ما حدش واخد باله من النقطه دى
انا قلت اذهب اليها فى يوم احد او تجيئنى فى يوم جمعه ... لم يلفت نظر احد يوم الجمعه ويوم الاحد

افترقنا لانه ربما كانت تحدث فتنه طائفيه
تحياتى