السبت، 11 يوليو، 2009

المرأة + رأيي

حقوق المرأة وكرامتها


بالطبع مع كل الإحترام للأراء التى عرضت والتى انصح بقرائتها قبل قراءة تعليقى هذا ، إلا أننى أرى أن هذا القرار فيه إهانة وإجحاف للمرأة ومكانتها فى المجتمع لأن الدستور ينص على ان المصريين جميعا متساوون فى الحقوق والواجبات .فلم ينص أحد على تخصيص سن أو جنس بعدد معين فى مجال معين أى أن الفرص متكافئة ومتساوية للجميع للسعى فى النيل منها والوصول إلى الأهداف دون الإعتماد على مؤثر خارجى أو تحديد، وقبل أن يقول لى أحد أن مجتمعنا الشرقى يرفض تفوق المرأة وخروجها من المنزل وتلك النبرة التى تعالت فى الفترة الأخير دون مبرر لها فجميعنا أمهاتنا وأخواتنا يخرجن إلى الشوارع والتعليم والعمل والمرفوض هو الخروج دون هدف ووجود المناظر المؤذية التى تؤدى إلى ما لا يحمد عقباه كما رأينا جميعا ، وهذا مرفوض عندى بالنسبة للرجال أيضا ، ولئلا نخرج عن الموضوع نجد أن فى مصر على وجه الخصوص أخذت المرأة مكانتها على مر العصور فكانت حتشبسوت ملكة ووصلت إيزيس إلى مرتبة العبادة حبا فى عطائها وتفانيها وكان فى حقب العصور الأموية العباسية الكثير من السيدات اللاتى نبغن فى العلم والحكم وأسمائهم كثيرة ولا يحصرها العدد وفى العصر الحديث نجد عائشة تيمور وعائشة عبد الرحمن ونبوية موسى وغيرهن من الشخصيات اللامعة اللاتى كافحن كى يصنعن مكانتهن ووصلن إلى مكانة احترمها العالم أجمع ، وقبل أن يقول أحد أن هذا فى المستويات العليا فقط أقول أن هناك الكثير من الشخصيات كنت شاهدا عليها وصلن إلى مكانات عالية ومنهن مدربات لألعاب مختلفة وناشطات فى مجال الجوالة والثقافة وغيرها من المجالات ، وصلن باحترامهن وكفائتهن وتمسكهن بالقيم إلى مكانة كبيرة ، وكما يقول أحد الأصدقاء أنها قد وصلت بالفعل إلى العديد من الأماكن ، وهذا فى رأيي هو النجاح الحقيقي للمرأة وليس بأن يخصص لها مكان هنا أو هناك كثيرا حين لا يجدون من يملؤه ويكون تابعا يضعون شخصيات لا تمت إلى الكفاءة بصلة كما نرى فى العديد من الأماكن رأيت بنفسى فى اماكن بها الكثير من النشاطات الرياضية .
هذا رأيي وأتمنى أن أجد رأيكم .

************************************************************************************
فى الفترة السابقة حدث تعالى غير مسبوق للأصوات التى تطالب بحقوق المرأة من جمعيات ومجالس وغير ذلك ، وبطبيعة الحال كان هناك الكثير من النقاش والجدل أتمنى أن أسمع رأيكم فيه ولكى لا نتفرع فى النقاش ونكون محددين فلنبدأ بآخر نقطة وهى :

69 مقعد للمرأة فى مجلس الشعب
وهل هو تكريم للمرأة أم اهانة لها ؟

هناك 48 تعليقًا:

صوت من مصر يقول...

تكريم
لان على ما اظن ان المراه ربنا خلق لها عقل زى الراجل
تقدر تفكر بيه

صوت من مصر يقول...

على فكره رجوعك لينا حاجه حلوه قوى

ماما أمولة يقول...

ازيك يا ازهري

حمد الله على سلامتك يارب

المرأة اخدة حقوقها ويمكن اكتر كمان

بس يارب تقدر تسد وتعمل اللي عليها

تقديري

ريمان يقول...

انا شايفه انه تكريم ليها


يا ريت نعرف وجهه نظرك فى الموضوع ده


تحياتى

لو عرفوه هيحبوه يقول...

السلام عليكم ورحمه الله وبركاته
الا تنصروه فقد نصره الله
: ان كنت تريد نصره النبى صلى الله عليه وسلم
فندعوك للمشاركه معنا فى حمله لو عرفوه هيحبوه لنصره النبى صلى الله عليه وسلم
نسعد بذلك

Butterfly يقول...

هممممممممممم
مش عارفه أصلى مش متابعه حاجه اليومين دوول .
بس بيتهيألى تكلريم , بس المهم الاستغلال الصح للمناصب ..!

Sweet Violet يقول...

اممممممم
هما مش كانوا 64 بردو ؟؟
المهم
نظام الكوتا انا شايفاه اهانة مش تكريم
v_v

nona يقول...

اعتقد انه تكريم
لان المرأة من حقها تعبر عن رأيها بشكل فعلى
يمكن تكون احسن من غيرها

تحياتى

dr.lecter يقول...

اظن انهم معقولين وحلوين

بص مهما كان النظام سشواء ديمقراطي او ديكتاوتري العقليه الشرقيه لا يمكن تسمح باللمراه انها تبقي في نفس مستواه

ياراجل ده الاخوان نفسهم 88 كرسي بس

وزعلانين علي مقاعد المراه؟
انا شايفها كويسه جدا ومعقوله

موناليزا يقول...

هيبقى اهانة ليها ازاى؟
هو يمكن يكون اهانة للرجل

فشكووول يقول...

ازيك يا ازهرى
تصدق فعلا طلع التليفون بتاعى هو اللى عطلان وقعدت اعيط وابكى عشان لقيتنى ح اغرم مبلغ كبير بدون لزوم .. بس ضحكت على الحاجه وبادلتها بتليفونها واخدت تليفونها منها واعطيتها تليفونى .. ويا دار ما دخلك شر
كمان تصدق ان ما حدش خد باله من نقطة الخلاف فى البوست وايه السبب ان الحب دا لم يكتمل

نيجى بقى على مقاعد المرأه فى مجلس الشعب
الدستور ينص على ان المصريين جميعا متساوون فى الحقوق والواجبات
يبقى يعملوا للمرأه كوته ليه
المرأه تطالب بالمساواه فى كل شيئ
ما فيش مانع ... بس تدخل الجيش زيها زى الرجل ... مش هى بتقول ما ليش مقاعد فى المجلس .. اشمعنى ما لهاش مقاعد فى الجيش والتجنيد الاجبارى
لما تروح للحياه العمليه وتتوظف او تشتغل فى شركه تلاقى المكاتب كلها سيدات ... ليه عشان السيدات ما يقدروش يروحى مواقع العمل ولا يقدروا يسافروا ولا يقدروا يتغربوا ولا ولا ولا
اشمعنى يعنى لما يكون لهم حقوق عايزين ياخدوها واما يبقى عليهم واجبات يقولوا لأ .. نحن نسوه ..
النساء يا بنى امهاتنا وزوجاتنا وبناتنا واخواتنا وعماتنا وخالاتنا .. هن منا ونحن منهم
ولكن فى هذه الايام ظهرت الدعوات المستورده من الغرب الذى لا يطبق ربع ما نطبقه من مساواه وتلاقى فى الفضائيات والتليفزيونات نساء متقعرات يطالبن وبتبجح بحقوق المرأه ومش عارفين هى ايه الحقوق دى
عشان كدا عملوا لهم كوته .. من لفظ كتكت وكتاكيت وكتاكت
على العموم قارب الفجر على الحضور
تحياتى ازهرى

سندس وأمل يقول...

قشطه:).....

بص ياعم...والله يعنى فى رأى يعنى انهم مش

يحطو ال56 مقعد بس عايزين كراسى وكنب

وشرايط:)...المهم هما المفروض يختارو ناس

تستحق انهم يقعدوا على 56 كرسى:)

مش اى حد وخلاص علشان يبقى تكريم للمرأه

دى وجهه نظرى ..سلامات...هو حضرتك فى

سنه كام؟ ....يارب الامتحانات تكون

عدت على خير معاك...

سندس

عمرو يقول...

طيب بعد اِذنك سؤال فى المقابل : أيه هو المجال اللى ممكن نقول عليه لسه المرأه المصريه لم تأخذ فيه حقها على أكمل وجه ؟؟
الحقيقه لا أعتقد اٍن فيه مثل هذا المجال :)
تقبل تحياتى و تقديرى ..

محمد الجرايحى يقول...

أخى الفاضل: الأزهرى
السلام عليكم ورحمة الله وبركاته
كوتة المرأة ماهى إلا خطوة فى التوريث
الحزب الوطنى يرسم ويخطط للسيطرة الكاملة على المجلس استعداداً للحدث الجلل...
إذا نجح الحزب فى استغلال المرأة فى تحقيق هدفه ..فهذه إهانة للمرأة.
وإذا فشل الحزب فى مخططه .. سيكون هذا تكريم لها

وجهة نظر

آفشنا حرامي يقول...

ندعوك للزيارة

لامر هام

باعتبار اننا اسرة واحدة

elsha3er يقول...

السلام عليكم

والله انا ليا رأى مختلف نا شايف اننا نعكس بقى احنا عايزين حقوق الرجل انا شايف ان المرأة استوفت حقوقها على اكمل وجه


تحياتى اخى الغالى



احمد الشاعر

طوبة ذهب وطوبة فضة يقول...

ارىان المرأه قد وصلت لحقوقها بالكامل فمنذ اول يوم خرجنا فيه للتعليم ونحن نحصل على حقوقنا كامله اخذنا حقنا فى التعلم بكافه مراحله فى الحياه بكامل نواحيها فى العمل كما اردنا وكما كنا نتمنى واخترنا بين الوظائف ما يناسبنا فلن تكون تلك المقاعد هى من يكمل حقنا ولن تكون هى استرداد لحقوقنا الضائعه ومن ينادى بأخذ حقوق المرأه اريده ان يقول اى حق لم تأخذه هى لنبحث لها عنه

تسنيم حسين يقول...

السلام عليكم ورحمة الله وبركاته

اولا حكاية المساواه والحقوق دى اساسا فكره جايلنا من الغرب ... وطبعا معنى كده اننا بمنع النساء من الخروج للعمل لأ مفيش مانع ان هى تخرج تشتغل بس فى شغل يناسبها كمرأه ويناسب طبيعتها كمرأه وفى نساء كثير بتشتغل ومع احترامى مالهاش لزمه ومن الأفضل انهم يمشوا ويجيبوا الشباب اللى قاعدين على القوه مش لاقين شغل بدالهم ده حتى هيكسبوا ثواب...
وفى اعمال للمراه ماتنفعش ان هى تشتغل فيها لأن المرأه بطبيعتها عاطفيه وتحكم العاطفه قبل العقل...
وانا معاك ان فى نساء نبغوا فى كثير من نواحى الحياه وهذا جيد بلا شك.. وفى النهايه النساء اللى عايزين يشتغلوا لازم يشتغلوا فى حاجه هينفعوا فيه بلادهم واسلامهم وامتهم وفى الأول والآخير ينالوا بها رضى الله عز وجل...
وفى رايى ان جلوس المرأه فى بيتها سيمنعها من اذى كثير كالإختلاط والإغتصاب وسماع مالا يطاب سماعه...
معلش طولت عليك...

والسلام عليكم ورحمة الله وبركاته

ادم المصرى يقول...

دا اكبر تكريم لمرأه عموما وشيئ عظيم لقدرتها كمرأه

ادم المصرى يقول...

حمدله على السلامه كانت غيبه طويله

MaNoOoSh يقول...

والله لو الستات اللي هتقعد على الكراسي دي على قدر المسئولية وعقلهم ناضج كآدميين يبقى تكريم للشعب

انما لو بغبغانات زي الرجالة والستات الحاليين وبيرددوا كلام لا يمت لمشاكل الشعب المصري بصلة ولا بياخدوا قرارات لتحسين معيشة الشعب يبقى اهانة للمرأة وللشعب ولعقول الناس كلها

اما بالنسبة للمرأة وحقوقها
فانا رأيي ياريت الناس تتفرغ شوية لتربية عيالها بنات وشباب ويعلموهم ازاى يتحملوا المسئولية وازاى يحتوا بعض بدل ما يتفرغوا لمين اللي طاغى على حقوق مين الست وللا الراجل.

شمس النهار يقول...

ازيك
عامل ايه يارب تكون بخير

الموضوع ده بصراحه عكنن عليا

كنت احب ان المراه تصل بتعبها واقتناع الناس كلها بأهميت وجودها في هذا الموقع المهم

مش تتفرض علي الناس فرض
لا الموضوع مش حلو
دول ضحكوا علينا الناس
يعني دخلنا المجلش بقوة السلاح :)

فراشة يقول...

بص يا ازهرى
انا معاك فى كل اللى قلته وفعلا بجد انت انسان راقى بتحترم المرأة باقصى حد ممكن
ودى تحيه منى لك

لكن للاسف سيدات مجلس الشعب اصبحوا يبحثون عن المنصب ليس للعمل به وانما سلطة وسيطرة وتخلى عن كل ما يمت للمرأة بصله
فقدت المرأة رونقها وجمالها ورقيها بحصولها على تلك المناصب
انا امرأة واحدثك بذلك

لكن لكل قاعدة شواذ اى ان اذا تواجدات المرأة القادرة على النجاح فى عملها وفى بيتها قبل عملها
اذن فليس هناك مانع
ونجاحها فى بيتها مش معناه ان ابنائها وصلوا لاحسن المراكز فقط لا نجاحها فى نشأتهم كذرية صالحه
فى هذه الحالة فقط نقول ان عملها وموقعا فى المجلس تكريم
اما خلاف ذلك فأنا اعتبره اهانة
واعتبر اكثر ان المرأة بهذا اهانت نفسها

تحياتى لموضوعك الرائع
واتمنى تقبل مرورى

rovy يقول...

ازيك يا ازهرى ؟؟
شوف انا فاهمه قصدك من السؤال لكن هما مضطرين يعملوا كده لسبب بسيط جدا كثير من الرجال و يمكن النساء كمان متعصبين لفكرة ان المرأه لا تصلح لتمثلهم فى مجلس الشعب و بالتالى لن ينتخبوها اما اذا اعطناها الفرصه بالقوه علشان تثبت جدارتها اكيد ممكن تغير اراء بعضهم و الحكايه تيجى واحده واحده لغايه ان شاء الله ما يخصص جميع المقاعد للمرأه :)
لا صحيح باتمنى ان المرأه تقدر تثبت جدارتها جداا و يارب تكون الشخص المناسب فى المكان المناسب

خالص تحياتى

elsha3er يقول...

فى انتظار جديدك

تحياتى

احمد الشاعر

ملكة بحجابى يقول...

المرأة كائن بيفهم والله
يعنى كونه بعيد عن المجالس النيابيه والبرلمانية من فترة بعيدة وندرة العدد على المقاعد النسائية ده كان من سطو رجالى مسلح نتيجة افراز ثقافة اجتماعية بتقول ان الست عشان عاطفيه تبقى احكامها ضعيفة وغير قادرة على اتخاذ قرار
بس جربونا بس
ادونا فرصتناااااااااا
ههههههههههههههه

تقبل مرورى يا أزهرى

:)

(ملكة بحجابى )

norahaty يقول...

السلام عليكم ورحمة
الله تعالى وبركاته
بجد بجد ياأزهرى
واهو ادينى بشتغل
بقى لى كتير وكده
بس لو الاقى شرع
ربنا هو اللى ماشى
وولىّ الامر واخد باله
من كل مواطن ومواطنة
لاحأبقى عايزة مساوة ولا غيره
دا التخصيص دا اكبر دليل على ان
الامر لابد وان يأتى من اعلى السلطة
وليس بالاختيار او الاقناع او الانتخاب.

أحــوال الهـوي يقول...

تكريه و ليس تكريم

تخيل بلد مثل الكويت في كي جي 1الديوقراطيه و بالرغم من ذلك تم انتخاب النساء بدون تعيين بارادة الناخبين و نحن الي الان تفشل المراة في فرض و جودها في المعترك السياسي

و سوف يفشلن فلسابق التجارب ام تبرز منهن ما يجبر علي استمرار التجربه

اعتقد ان فرضهن اهانه و تزيد من رفض الشارع لهن

هتعمل لنا مشاكل مع النساء لانهن ماهرات في خلقها
\
تحياتي

محمد مارو يقول...

سيبك من حكايه مجتمع شرقى و مجتمع غربى
و مجتمع شمالى و مجتمع جنوبى

انا برفض القرار بس متعايش معاه
برفضه بسبب حديث رسول الله ( مش متاكد من صحته)
من تولى شؤنهم امراه اهلكهم الله

محمد مارو يقول...

كنت عاوز اعلق ع الشعر اللى فى المدونه التانيه
اكتر من رائع
اسمحلى انا اخدت منه كوبى و باست و بعته للكل

فشكووول يقول...

ازيك يا ازهرى يا مشاغب
بالنسبه لمقاعد المرأه فى مجلس الشعب
شوف يا ازهرى
المياه لو رميت فيها شوية تراب تقوم تتعكر
تقوم تعمل ايه ... تسيب المياه شويه وبعد يوم ولا يومين تلاقى العكاره نزلت فى قعر الحله والمياه رجعت صافيه تانى تقوم تصفى المياه فى وعاء اخر وتبقى اخر روقان وبعدين تغليها تقوم تبقى صالحه تانى للشرب
هما يخصصوا عدد من المقاعد مع الزمن ان شاء الله حتروق الحاجات دى بعد اللاعبين من خلف الستار ما يروحوا لحالهم وتنضف بلدنا من المتأمركين ومدعى التقدم وسوف تروق المياه وتعود الى مجاريها
لى سؤال ... هى امريكا ولا دول العالم اللى بياخدوها امام لهم بيعملوا كدا .. يعنى احنا بس اللى فلوطه
اما من ناحية توبة سيدنا موسى فقرأته فى كتاب التائبين للمقدسى وهناك توبات اخرى للرسل ومن ضمنها توبة سيدنا موسى وقارنت ما فى الكتاب على مافى النت واتضح صحة مافى النت فى هذا الموضوع ولم اخذ من النت الا النسخ فقط يعنى بدال ما اكتب الموضوع بايدى نسخته من النت وتصرفت فيه بالطريقه الفشكوليه .. وما هو موجود بالنت بالنسبه لكتاب التوابين للمقدسى هو هو الموضوع فى طبعة الكتاب .. عشان تطمئن يعنى
تحياتى

ABOALI يقول...

حواء فى العصر الحالى مغيبة كليا
فلا هى اصابت حين تخلت عن بيتها
ولاهى نجحت حين طالبت بالمساواة

نحن نتحرك طبقا لمنهج السماء
الذى حدد الطريق الصحيح والمسار الاصح لكل من حواء والرجل

لذا استمرت حالة التخبط الى الان

ويقينا اضافة مقاعد لها فى البرلمان

هو تجسيد لحالة وهى
ان حواء لم تقنع احد باءنها تستحق ان تكون تحت القبة
وان الرجل الشرقى يدرك ان حواء هى مربية الاجيال مهما تنازلت هى عن تلك المهمة

لذا زيادة المقاعد اهانة
لاءنها تجسيد انها عالة


موضوع مهم والحوار فيه ذو عمق


تحياتى وشكرى

mahasen saber يقول...

انا شايفه انه مسئوليه كبيره عليها
ولازم تأديها كما يجب وانها امانه يا رب كل واحده يكون ليها نصيب فى مقعد فى المجلس
انها تأدى الامانه كما يجب

والاسلام كرم المرأه من زمان واعطاها التقدير فى اخذ رايها ومننساش ان الرسول الكريم ..صلى الله عليه وسلم..كان بياخد رأى السيده عائشه فى امور سياسيه

اعتقد انه تكريم فى عصرنا الحالى ليها ويا رب تقوم بيه على اكمل وجه

وبعدين قلى اخدنا ايه من الرجاله اليى متربعين فى مجلس الشعب
نشوف الستات بئه هتعمل ايه

ولاا ايه يا ظهر

mahasen saber يقول...

انا شايفه انه مسئوليه كبيره عليها
ولازم تأديها كما يجب وانها امانه يا رب كل واحده يكون ليها نصيب فى مقعد فى المجلس
انها تأدى الامانه كما يجب

والاسلام كرم المرأه من زمان واعطاها التقدير فى اخذ رايها ومننساش ان الرسول الكريم ..صلى الله عليه وسلم..كان بياخد رأى السيده عائشه فى امور سياسيه

اعتقد انه تكريم فى عصرنا الحالى ليها ويا رب تقوم بيه على اكمل وجه

وبعدين قلى اخدنا ايه من الرجاله اليى متربعين فى مجلس الشعب
نشوف الستات بئه هتعمل ايه

ولاا ايه يا ظهر

mahasen saber يقول...

انا قريت كيمو بيقول رجوعك

انتا هاجرت يا زهر وانا من غير ما اعرف ولاا ايه

بئت فيه حاجات بتتعمل فى البلوجر من ورايا اهه

طب فكرنى لما اشوفك اجيبلك مكرونه باشمايل

ها هشوفك امتى بئه

آفشنا حرامي يقول...

نحن فى انتظارك دوما

البداية بدات اليوم

ونتمنا نشر لينك هذه المدونة بين كل اصدقائك

وتقوم بوضع لينك المدونة على قائمة المدونات بمدونتك للتواصل الدائم

مع تحياتنا

آفشنا حرامى

EMMY BABY يقول...

فعلا المرأة فى العصر الحالى خدت حقها اه بس كان هيبقى احلى لو كل واحدة عرفت وجباتها

واولوياتها قبل ما تفكر فى المساواة

يعنى بيتها مفروض يكون رقم 1 فى حياتها لو حصل اى تقصير يبقى ملهاش لزمة المساواة

بالنسبة لسؤالك

انا من وجهة نظرى تكريم بس منكرشى انى سمعت ضد واقتنعت بوجهة نظرها

بس يرجع الاختلاف للزواية اللى هنبص منها

احييك على المدونة دى اللى كنت معرفشى عنها حاجة (وش مكسوف )

تحياتى

ايمى

AhmeD 3llaM يقول...

في الحقيقه انا لا اعارض عمل المرأة ولاكني لا ارحب به
فالمرأة مكنانها الاصلي هوه البيت
ومن ناحية اخري اري ان الانسان_ذكر او انثي_الذي يستطيع اداء عمله افضل من الاخر هوه الاحق بالعمل دون غيره
واذا اردت ان تعرف راي في النقطه التي اشرت اليها
فأني اري ان من يعطي اكثر هوه الاحق بالمقعد وهذا ما يراه الناس الذين انتخبو هذه السيده او هذا السيد

تحياتي يا صديقي العزيز

AhmeD 3llaM يقول...
أزال المؤلف هذا التعليق.
ايوشة يقول...

معرفش ساعات بحس ان المراة لسه حقها مهضوم جداااااا وخصوصا فى الطبقات الفقيرة يعنى مش هتلاقى المراة مكرمة وواخدة حقها تالت ومتلت الا فى المستويات العالية واللى كمان متعلمة
يعنى عدد الكراسى اللى زاد فى مجلس الشعب لصالح المراة دا مجرد كلام وبس يفرحوا بيه الستات اللى مشفتش فقر وذل يوم لكن الستات اللى كل يوم فى ذل ومهانة واللى هما اغلب الشعب المصرى واللى اغلبهم طبقات كادحة مش هتفرق معاها مين اترشح ومين فاز المهم تقدر بس تربى عيالها حتى ولو على حساب نفسها

ايوشة يقول...

مجلس الشعب دا للحيزبونات هههههه

dodoo يقول...

تكريم

مافيش فرق بين عقل المراه و عقل الراجل
وبيتهيالي انها ممكن تكون احسن لاننا على الاقل ماسمعناش ان في مراه في منصب وبيحصل فيه تجاوزات زي ما بيحصل مع الرجل

عمادخلاف يقول...

المشكلة ليست فى وجود المراة فى مجلس الشعب او حصولها على حقها فى المناصب او انها تعانى من التجاهل كل هذا كلام ليس له علاقة بالواقع المراة لها دور كبير ومحورى فى الحياة وليس كلام المشكلة اكبر حصول المراة على حقوقها دا مجرد وهم بيضحكوا بية علينا
زى كتير من اوهام اللى ملت حياتنا الى امام دائما وشكرا

عمادخلاف يقول...

المشكلة ليست فى وجود المراة فى مجلس الشعب او حصولها على حقها فى المناصب او انها تعانى من التجاهل كل هذا كلام ليس له علاقة بالواقع المراة لها دور كبير ومحورى فى الحياة وليس كلام المشكلة اكبر حصول المراة على حقوقها دا مجرد وهم بيضحكوا بية علينا
زى كتير من اوهام اللى ملت حياتنا الى امام دائما وشكرا

فشكووول يقول...

السلام عليكم
انت خايف يا ازهرى
طب والله لافتن عليك واقول انك انت اللى اوحيت لى بالبوست دا وانت اللى قلت لى الارقام دى ..ز انت عايزنى اروح الآوبرج لوحدى من غير ونيس ولا جليس
الازهرى يا عالم ياهوه هو اللى قالى على الارقام دى

اخبار 8/8 ايه معاك

تحياتى

واحد من العمال يقول...

تفعيل دور المرأه فى المجتمع
أكيد حيكون إيجابى
والقرار يعتبر تشجيع لتنشيط تواجد وتفاعل المرأه وفاعليتها فى المجتمع
بس يكون عندها رؤيه
ولأنه ماذال هناك إستهجان لدخول المرأه مجلس الشعب
بس شرط النظام السياسى يتطور
حتى لا يكونوا ديكور

تحياتى

سندس وأمل يقول...

ايه ياعمنا فينك؟

شمس النهار يقول...

ازيك
عامل ايه مافيش اخبار عن النتيجه
وبعدين انت قافل التعليقات ليه في البوست التاني

:)
تصدق موضوع الاحتلال ده عجبني

عموما الطيب احسن
ان شاء الله راجعه 13 اغسطس