السادس من اكتوبر
هل نحن نعلم بالفعل ماذا حدث يومها ؟ ولا اقصد التعريف المدرسى هنا
ماذا تمثل الذكرى لكل منا ؟ وما الذى تعنيه ؟
وهل تحولت الذكرى الى مجرد شعارات فقط ؟ وما فائدة الدم الذى روى الصحراء منذ عشرات السنين ؟
هل ما حدث بعدها يجعلنا ننقص من قدرها ؟ هذا اذا كنا نعرف قدرها
بالامس كنت جالسا فشاهدت فيلم حكايات الغريب بأبطاله الرائعين وعناصره الجميلة والموضوعات المتعددة والعميقة التى طرحها ، وورد على ذهنى خاطر مزعج
ففى شهر يوليو الماضى وفى استفتاء للاهرام على ما اذكر قال احد الشباب ان 23 يوليو هو عيد الثورة التى قام بها سعد باشا زغلول
وسواء اكانت حقيقية ام فرقعة اعلامية فهذا يطرح اسئلة ملحة
فهل من اجابات
اتمنى ذلك
هناك 18 تعليقًا:
انا اهوووووووووو
هفصص البوست وارجع بس شيل البتاعه بتاعه التاكيد
هل نحن نعلم بالفعل ماذا حدث يومها ؟ ولا اقصد التعريف المدرسى هنا
-------
نعم ده عشان تخصصي بس ....
---------
ماذا تمثل الذكرى لكل منا ؟ وما الذى تعنيه ؟
--------
الذكري دي بتفكرني اننا كنا في يوم كلمتنا واحده وايدينا واحده .....
--------
وهل تحولت الذكرى الى مجرد شعارات فقط ؟ وما فائدة الدم الذى روى الصحراء منذ عشرات السنين ؟
----------
شعارات بالنسبه لبعض الناس لكن بالنسبه ليا عهد عهد اتكتب بدم الناس اللي استشهدوا ان الارض دي مش في حد ياخدها .دول زرعوها بدمهم ..
--------
هل ما حدث بعدها يجعلنا ننقص من قدرها ؟ هذا اذا كنا نعرف قدرها
--------
لا طبعا ده كل بيت كان فيه فقيد وشهيد ازاي ننسي وننقص من قدر ناس ارواحهم كانت فدا البلد ...
--------
بالامس كنت جالسا فشاهدت فيلم حكايات الغريب بأبطاله الرائعين وعناصره الجميلة والموضوعات المتعددة والعميقة التى طرحها ، وورد على ذهنى خاطر مزعج
ففى شهر يوليو الماضى وفى استفتاء للاهرام على ما اذكر قال احد الشباب ان 23 يوليو هو عيد الثورة التى قام بها سعد باشا زغلول
-------.
يالهوي ده ايه ده وصلنا لكده
بص مش نلومه لان اكيد اللي قاله اقرا تاريخ بلدك كان اصلا مش عنده انتماء
عبد الرحمن الرافعي كان دايما بيقول لازم الناس تعي التاريخ لانها لما هتعرفه عن حب هيتبره عندها الانتماء وحب الوطن والعزه والكرامه وبعدها هيتربي عندهم حب انماء البلد وتطويرها والدفاع عنها
-------
تحياتي
كيارا
لن ننكر ان جزء كبير من الامر تحول الي احتفال روتيني يذكرنا بيوم بعيد
ورغم عدم معرفة الاجيال الصغيرة بالكثير الا انه الحظة كانت تستحق التسجيل
وقتها لم تكن شعارات ولكنه دم يبذل ويروي ارض مقدسة كتبها الله لنا
والخطأ يقع علي عاتقنا ان حولناه ليوم روتيني .. لابد ان يحظي باكثر من ذلك بكثير
يحظي بما يستحق
تحياتي
ما فائدة نصر أكتوبر
وسيناء مازالت مرتعا لهم
وكل الاتفاقيات من الغاز للكويز لما خفي
كلها تؤكد انه لم يكن هناك داع للحرب
مادمنا سنعود لنتودد اليهم
وكأنها كانت مسرحية هزلية
وكما تقول كل تلك الدماء
روت رمال عطشى لا سبيل لإروائها
:(
كان نفسي اكدب نفسي
بس ده اللي انا شايفاه
:(
بسم الله الرحمن الرحيم
انا قلبى كان هيقف
اخر مرة تعملى كدة
عزيزتى كيا للاسف الحقيقة اسوأ مما ذكرت
وهذه هى المأساة فقد انشغلنا بنقض التفاهات حتى من يدعى انه خايف على تاريخنا ورموز حضارتنا ونسينا نصنع شىء للتوعية
وأرى انه لا بد من التكاتف والا ضاع الماضى فضعنا
تحياتى واهلا بك دوما
العزيزة كوشيا
ما فائدة التسجيل اذا لم يكن هناك من يستمع اليه ويتعلم منه
هل تتخيلين ان الفراعنة مثلا كانوا ليسجلون ما قاموا به لا لديهم وقت فراغ ام لكى نتعلم نحن احفادهم من هذا
وما فائدة الدم اذا لم يكن هناك من يحافظ على ما اهدر فى سبيله
عزيزتى وزة
ما تقولينه هو جزء صغير من كل لم نعلم نهايته حتى الان فكل يوم نكشف عن جديد
تحياتى
واهلا بك دوما
السلام عليكم
انا جيت اهه علشان ماتقولش انى زعلت من النقد وامتنعت بس الحكايه والله انى مش مواظبه على قرايه المدونات
ومعظم الاوقات مش بقدر اشوف بلوجات الناس اللى بتيجى تنورنى ودخولى عندك كان تصفح وعجبنى الموضوع اللى فات وعلقت عليه
انما غيابى ابدا مش امتناع ولو كنت متنع بسبب النقد مكنتش زرتك المره اللى فاتت اصلا
انا بجد برحب بالنقد جدا لانى ببساط ناشره محاولاتى الاولى فى الكتابه علشان الناس توجهنى ولو اخدت بالك هتلاقينى ده كانت دعابه بدليل الوش :)
نيجى بقى لموضوعك ده
انا شايفه بجد الموضوع بعد ماكان ثروه قوميه من وجهة نظرى بقى مجرد شعارات تتمثل فى شويه افلام واغانى وطنيه اللى بيقولها نفسه مش حاسس بيها للاسف
ومش هتلاقى اجابه على اسئلتك الا ان الانتماء اتعدم الا ممن رحم ربى
تحياتى جدا ولو كنت متابعنى من زمان كنت هتعرف انى مش الناس اللى بتشيل فى قلبها ولا بتكن لحد زعل وخصوصا ان النقد كان كويس :)
دمت بكل خير
عزيزتى حبيبة
اولا افضى اليك باقوى كلمات الاعتذار فنا ايضا كنت القى مداعبة ولكنها قلبت نكد
ثانيا نحن جميعا هواة ولم يدع احدنا الاحتراف ولذلك نرحب باى نقد يقودنا الى الافضل
ثالثا الكارثة الكبرى ان مشكلة عدم الانتماء تتفاقم فهل من حل لها
تحياتى الكثيرة والغزيرة واهلا بك دوما هنا كواحدة من اعز الاصدقاء
صديقي العزيز
شوف معلومات اغلبيه الشباب دلوقتي بقت في الحضيض و لو عايز تتأكد اتفرج علي برامجنا و انت تعرف
مش كتير بيقروا دلوقتي و انت عارف كتب المدرسه بقه للحفظ و بس
السؤال بقه بخصوص البوست بتاعك ياتري عرفنا نتقدم خطوات اكبر بعد نصر اكتوبر و لا لسه عايشين علي النصر ده و ان احنا اجداد الفراعنه؟
تحياتي ليك و لموضوعاتك المميزه دايما
العزيزة جدا اجندا حمرا
بالطبع يظل الإعلام هو المتهم الأساسى والرئيسى
أما بخصوص سؤالك
فما زلنا نحن أصحاب سبع تلاف سنة حضارة
ونحن بناة الهرم الأكبر
أظن كلامى مفهوم
تحياتى
اخى الفاضل
بالطبع السادس من اكتوبر له قيمة مهمة في حياة المصريين
يمكن انت مش عارف ايه بالضبط اللي حصل ولا اي حد يقدر يقول الا اللي كان هناك وشاف بعنيه...
يمكن احنا علشان اتولدنا بعد الحرب بفترة طويلة مش قادرين نحس بيها اوي ، بس الحقيقة ، ان كرامتنا رجعت لنا ، واللي حصل بعد كدا ،من انتكاسة ثقافية ومعرفية وقيم وخلافه ، فبسبب الانفتاح ، ونظام تعليمنا الفاشل جداااا ، اللي بيدرس التاريخ مش على انه احداث مهمة في حياتنا واستفدنا منها ايه؟؟ ولكن الحدث حصل سنة كام؟؟؟؟ ودا اللي بيجي في الامتحانات!!!
الامل في بكره ان احنا نحاول نغير من الواقع الاليم بإذن الله
تحياتي :)
أخى العزيز
إن النصر قادم
والذكرى ذكرى فرح
صيح أننا الأن فى زل ومهانه ولكن أعدك بأن النصر قادم وأن الحال سينصلح
عزيزتى سميرة
ما منا على قيد الحياة
وما دام هناك عقول تفكر
وما دامت قلوبنا تنبض بحب مصر
فالامل موجود
تحياتى
واهلا بك دوما
الاخ العزيز محمد
لن يأتى النصر ما لم نسعى نحن اليه
تحياتى
عزيزي الأزهري
انت برضه ماردتش علي سؤالي ياتري تقدمنا خطوات اكبر بعد نصر اكتوبر و لا لسنا عايشين علي ذكريات الماضي؟
العزيزة اجندا حمرا
كنت احسب الجواب واضحا فنحن ما زلنا نتغنى بالامجاد فى حين اننا نمضى للاسوأ
تحياتى
العزيز الأزهري
اشكرك علي التوضيح
بالفعل هذا ماقصدته نحن مازلنا نتغني بالأمجاد في حين اننا نمضي من سئ الي اسوأ
تحياتي لك و اشكرك مره تانيه
إرسال تعليق