الجمعة، 25 فبراير، 2011

نداء عاجل

بعد العودة من القصر العينى ، وبناءا على كلام أحد المرضى عن الخدمة الطبية السيئة لمصابى المظاهرات فى السويس قمت بسؤال كوشيا صاحبة مدونة قصاقيص وهى  من أبناء السويس  وبعد التقصى فى الموضوع فى عدة أماكن  بعثت برسالة كالآتى :


انا علقت علي الموضوع سابقا انما النهاردة عاوزة اقولك اني سألت علي موضوع الخدمة الطبية في السويس لمصابي المظاهرات واتضح انها سيئة للغاية وبالفلوس وفلوس كتير (عدة الاف) ومحدش كتير معاه اسعار العمليات خاصة عمليات العيون اللي منتشرة جدا اصابتها في المظاهرات ويادوب الاسعافات الاولية بس اللي شغالة معقول .. وللاسف ..

انا اتاخرت عشان اتاكد من الموضوع بس مكنتش فاكرة ان الخدمة الطبية فعلا وحشة كدة

ربنا يلطف بالناس

تحياتي


بالطبع أشكرها على مجهودها القيم وأدعوا كل أبناء المحافظة الباسلة إلى محاولة تصحيح الأوضاع ومحاولة مساعدة هؤلاء المرضى كل حسب ما يتيسر له ، فليس من المنطقى أن يتم السفر إلى القاهرة أو الأسكندرية للحالات بينما يمكن مسااعدتهم فى مدينتهم ، وهذا على قدر المستطاع ، أما ما يتحتم عليهم النقل إلى القاهرة فأهلا بهم .

 

هناك 3 تعليقات:

dalia يقول...

أزهري فعلا أحنا تلقينا اتصالات في جريدة الشروق من السويس بخصوص الخدمة الطبية السيئة هناك لمصابي الثورة، ربنا معاهم

وجع البنفسج يقول...

ربنا يرحم الشهداء ويشفي الجرحى يارب ، ويهونها عليكم ويحفظ بلدكم من كل شر .

واحد من العمال يقول...

كل الخدمات الطبيه وغيرها ستتحسن بإذن الله
مصر كانت عيانه وخفت والحمد لله
ومصابى الثوره فى عين مصر
وشهداء الثوره فى قلبها
لهم منا الفاتحه