الاثنين، 5 أكتوبر، 2009

أين الخطأ ؟

أين الخطأ ؟

فى التجربة الجميله للأستاذ محمد صبحى يوميات ونيس كان ينادى بأن يبدأ التغيير منا نحن وبأيدينا وفى إحدى أجزائها قام مع أبنائه وأبناء حارته بتنظيفها وتجميلها بأيديهم ، ولقد سبقته تجربة جأجمل منذ عدة عقود على أرض الواقع ، حيث قام الكاتب الكبير توفيق الحكيم وعدد من الأدباء الشبان بإمساك المقشات وتنظيف شارعه فى مبادرة جميلة نشرت فى الأخبار كى تكون مثالا يبدأ الناس فى الإحتذاء به ، وكانت النتيجه أنه وفى نفس المكان نشأ أكبر مقلب للقمامه في مصر الجديدة وظل كذلك لأعوام طويله
فهل يمكن أن يقنعنى أحدكم أن الخطأ هنا خطأ الحكومه وأنها المسئوله عن إلقاء القمامه فى ذلك المكان وأنها من دفعت الناس دفعا إلى الإلقاء هناك وأنها وأنها وأنها ...... كماتعودنا أن نقول
وقبل التعليق أرجوا الإطلاع على ما كتب فى
هوامش حرة يوم الجمعة الماضى

هناك 16 تعليقًا:

Sweet Violet يقول...

ايوة طبعا الحكومة السبب
ازاى مايكنش مع كل مواطن واحد زى ظله يحرسه و يمنعه من الغلط هه
امال حكومة ازاى بس
بالذمة ده كلام

^^^^
*بخصوص التأخير و عدم الظهور و التوليع بعتذر بجد بس اليوم ده فعلا كان مش هينفع اكون موجوده اصلا
v_v

م/ الحسيني لزومي يقول...

عندما سأل المذيع اللامع مفيد فوزي الشاعر الكبير نزار قباني "هل ترانا سوف نصل يوما ما مجتمع الكومبيوتر؟"
اجاب " اساس مشكلتنا اننا مستهلكوا حضاره لا صانعوها فنحن نمتطي السيارة كما نمتطي الدابة ونحاول ان نقهرها ونذلها في عامها الاول وبنفس الاسلوب البربري نستخدم جهاز الهاتف لاغتيال الزمن في حين انه وجد لانقاذ الزمن"

Yusuf يقول...

المشكلة مش في الزبالة اللي علي الأرض

المشكلة في الزبالة اللي جوة العقول

ودي محتاجة حاجات كتير اكبر من شركات النضافة

تحياتي

دموع القمر يقول...

صباح الخير ياازهرى

احنا عندنا فى البلد

كام مرة رئيس المدينة
يجيب الناس عمال التظافة

ويكنسوا الشارع ويخلوه جميل
دا كمان حطوا سلة

وتلاقى سبحان الله بعد كام يوم السلة فاضية والزبالة اكوام اكوام جنبها

يبقى العيب على ميييييييين

تلاقى الواحدة ماشية وفى اديها كيس الزبالة مش هاين عليها تمشى خطوتين كمان وترميه لا ازاى
وتروح رمياه جنب اى حيطة

؟؟؟؟؟؟؟؟؟

فشكووول يقول...

يا ازهرى

السلام عليكم

اصل يا ازهرى الحكومه عليها واجب والشعب عليه واجب .. والحكومه قاطرة المجتمع اذا اهملت واجبها فمن سيجر القاطره .. الناس ممكن تنضف الشوارع يوم او اثنين او ثلاثه .. لكن العمل المؤسسى هو اللى ممكن يستمر وليس العمل الاستعراضى او التليفزيونى .. الزباله مسئولية الحكومه هى التى تنظم وهى التى تجنى الضرائب وهى التى تملك الاجهزه المحليه والاجهزه الشعبيه .. فماذا يملك الشعب .. الحكومه تملك تجميع الجهود .. هناك نغمه هذه الايام فى تحميل الشعب كل الموبقات .. واذا الشعب يتحمل كل هذه الموبقات .. ليه اصلا وايه لزوم الحكومه والدوله

تشير الى مقالة فاروق جويده .. الراجل كاتب عن تكاليف المحمول وازاى ان الحكومه مش عايزه تقتطع من ارباح الشركات دى ضرائب او رسوم او مكوس او خلافه عشان تعمل النظافه .. عارف ان اقصى شريحة ضرائب فى مصر 40% يعنى الشركه اللى تكسب مليار جنيه تدفع 400 مليون ضرائب واللى يا عينى الغلبات اما يكسب 100 الف جنيه يفع 40 الف ضرائب يبقى فاضل له 60 الف جنيه ..

بالذمه الفرق بين 600 مليون جنيه ويعمل بيهم ويهيص بيهم وبين 60 الف جنيه مايجيبوش عربيه ...

فركشاوي ..ناوي يقول...

بسم الله الرحمن الرحيم
السلام عليكم ورحمه الله وبركاته
أعجبني تعليق الاخ / Yusuf حيث يقول :
( لمشكلة مش في الزبالة اللي علي الأرض
المشكلة في الزبالة اللي جوة العقول )
فالزباله علي الأرض تقشها مقشه واللي في العقول ...مصر كلها تبقي عباسيه .

طوبه فضه وطوبه دهب يقول...

اكيد مش الحكومه السبب فى القمامه دى ذى ما هى مش السبب فى كل واحد بيطلع وسيله مواصلات يقطع الكراسى ويقزقز لب وسودانى ويركب المترو يتعمد يزوغ ويفتح الباب بالعافيه دا سلوك شعب لازم يتغير لازم نربى ولادنا على السلوك الصحيح وبعدها نلوم الحكومات لاننا شعب ما بيمشيش صح غير بالغرامات والسك على الدماغ

نهر الحب يقول...

كيف حالك اخى الازهرى ؟؟
بص بقى الخطأ خطأ مشترك اهمال الحكومة فى اداء واجبها ومتابعة التعاقد مع شركات النظافة
واهمال الناس واستراحهم والقائهم للقمامة عمد فى الشارع
بس اعتقد لو توفر الزبال الجميل بتاع زمان هتتحل المشكلة

AhmeD 3llaM يقول...

معاك في ان التغيير لازم ينشاء من الفرد
ولاكن من يؤهل ويبدي استعداده لترقية الفرد في مجتمع يشعر اهله بالغربه
عزيزي هل تعلم ان هناك ثلاث اشقاء لا يجدون عمل يؤمن حياتهم الاسريه
دعك من القمامه وابحث عن اهل القوامه

واحد من العمال يقول...

المشكله ياصديقى اننا فى مصر نفتقد المنظومه المتكامله التى تعلم وتدرب وتوجه والتى لها أهداف
نفتقد المنظومه وشغالين كلنا بالبركه
وعندما تأتى المشكله أو الأزمه نغرق فى شبر ماء
وتحس ان المسؤلين مش فاضيين ومشغولين على طول فى ايه مش عارف يمكن فى تأمين مستقبلهم ربنا يعينهم
كلنا مسؤلين شعب وحكومه

ودمت أخى بخير حال

ندا منير يقول...

لا منقدرش ومينفعش نقول الحكومة لوحدها السبب
هى مشتركة بجزء من تدمير البلد

لكن احنا باقى الاسباب
فى مننا الناصبين اللى بيضحكوا على الناس وياخدوا فلوسهم
فى اللى بيقتلوا وبيخطفوا وبيتاجروا بالاعضاء
فى اللى بيجيبوا ادوية مغشوشة ويرشوا الارض بكيماويات تضر بصحة الناس
فى اللى بينصبوا فى اسعار كل حاجة ويعلوا سعرها قوى مع ان سعرها مبيبقاش عالى
فى اللى بيصدروا كل حاجة برة مصر مع انها خير لمصر وبيستوردوا حاجات رديئة جدا
فى مننا المدرسين اللى بيعلموا الطلاب غلط ومبيدهومشى حقوقهم
فى مننا اللى بيكبر وبيبقى وزير وصحفى ومحامى وبينصب على الناس وبياخد كل حاجة لحسابه
فى مننا اللى بيسرق المحلات وبينخرب كل حاجة وبيدمر الشوارع وبيرسق اى حاجة تزينها
وغيره وغيره وغيره

كل دا مش كافى انه يدمر بلد
وايه علاقى الحكومة بقى بكل دا

للاسف احنا جزء كبير قوى من سبب تديمر مصر
والدليل على كدة مش بس الكلام دا
لو رجعنا لزمان قوى مصر كانت بجد قوية قوى وكان الكل بيخاف منها ايام جمال والسادات ومن زمان اكتر ايام سيدنا عمر وغيره وغيره
مكنش فيه الخراب دا
بس ساعتها الناس كان عندها ضمير والحكومة كانت عندها ضمير لكن دلوقتى خلاص

dr.lecter يقول...

فينا احنا لان الحكومه جت مننا احنا من الشعب نفسه

ن يقول...

السلام عليكم
أخى الكريم .. الازهرى
الله يرحمك يا أمى عندما كنت القى بورقة فى الشارع فتنهرنى وتعطينى محاضرةطويلة وتقطع على نومى لتخرج بى الى البالكونة لكى أرى كناس الشارع على ايامنا لم يكن هناك غيره وتقول لى هكذا يتعب هذا العامل كما يتعب أباك فى عمله فأقول لها ولكن ابى محاسب وليس كناسا .. فتقول لى الكل فى مجتمعنا يكمل الكل لولا هذا الكناس ما حسب على ابيك مكانته فى مسكنه وشارعه ولما استطاع ان يفكر الا وبيئته نظيفه.
وكانت جدتى الامية والتى عاشت بالفطرة تكنس الشارع أمام بيتها وترشه بالماء والجاز حتى لا تتجمع الحشرات وبالتالى تضر بالبيوت .. انها ثقافة شعب وليس مسؤلية الحكومة فعتبى على كثرة امكانيات ادوات النظافة وشوارعنا متراكمة بالقمامة والامهات ترى أولادهن يلقين كل شىء فى الشارع ولا تحرك ساكنا .
مع خالص تحياتى

اللى موش عارف يتغير يقول...

فعلا
التغيير لا بد منه
يارب ارحمنا واهدنا

سلمى يقول...

شكرالان حضرتك سئلت عنى فى فتره غيابى
دمت بخير وسعاده

أحمد شريف يقول...

السلام عليكم
مررت سريعاً على تدويناتك وهذه التدوينة هي أفضل ما طالعته عيني حتى الآن لديك

وأقول لك أن ما يثيره محمد صبحي في مسلسلههذا هو أحد أهم أدوار التنمية المحلية

دعني أوجهك لأن تبحث عن أعظم تجارب التنمية المحلية بالعالم والخاصة بقرية تفهنا الأشراف
بمَ أنك أزهري فأكيد تعرف هذه القرية
وبمَ أني في الأساس أخصائي اجتماعي فأكيد مهتم بمشاريع التنمية المجتمعية بصفة عامة لأنها من ضمن حقل عملي ودراستي
وأكيد الفرد هو المكون الأساسي لسلوك الحكومة وعليه يقع العبء الأول لا الحكومة .. هذا من وجهة نظري الشخصية

دمت بود