الأربعاء، 24 سبتمبر 2008

البطالة

البطالة
كلما جلست الى اصدقائى من الشباب اجد شيئا غريبا فهم لا يتفقون على رأى محدد ابدا وهذا ربما يكون معتادا فى الامور العادية
اما عندما تسألهم عن احدى المشاكل الحيوية فى حياتهم فقد ذهلت من حجم الانقسام
وعلى سبيل المثال عند سؤالهم عن مشاكلهم مع البطالة فوجئت بأن منهم من يقول انها ليست مشكلة وان العمل متوفر وان كان فى غير مجال التخصص ولكن مجزىمن ناحية الاجر فلا بأس والبعض يفضله كنوع من التغيير
ومنهم من يقول ان البطالة مشكلة لان الشباب لم يتعلموا كيف يكتسبون المهارات اللازمة لسوق العمل نظرا لاسلوب التلقين والتواكل الذى تعلموه مما ادى الى توقف العقول تماما خاصة وان الذين يسعون الى اكتساب المهارات يجدون مكانهم فى سوق العمل بسهولة
وهناك اخرون يرون ان سوق العمل مغلق تماما ولا توجد فرصة للعمل مناسبة حيث الاجور غير مجدية والاعمال غير مناسبة

فاين الحقيقة واين الخطأ فى كل تلك الاقتراحات والاسباب التى قالوها وهل هذه كل الاراء ام هناك اراء اخرى !!!!!!
هل البطالة مشكلة ؟ ام نحن من نجعلها كذلك ؟
اسئلة كثيرة فهل هناك من يملك اجابة ؟
اتمنى

هناك 16 تعليقًا:

karakib يقول...

الموضوع كبير علي فكرة
كبير اوي موضوع البطالة ده

الازهرى يقول...

الموضوع كبير ولكن هناك خطوط رئيسية على الاقل
شكرا للزيارة وارجوا ان تتكرر

ماء تشرين يقول...

الحقيقه انو في عمل بس العمل ده مش بيعمل فيه الا المظطر لانو هيقبل مجال غير مجالو ومرتب متدنى ولذلك مش هيبقه زاى مهو عايز وفي ناس متقبلش بالوضع ده وهى دى البطاله
الموضوع كبير اوى وشائك جدا
اشكرك على طرحه
تحياتى

الازهرى يقول...

ماء تشرين
رأى جميل وصراحة رائعة
الموضوع كبير ولكن بتكاتفنا ممكن نقدر نعمل حاجة
واهو حلم
ولو بطلنا نحلم هنموت


شكرا لمرورك واهلا بك دائما

kochia يقول...

اعتقد ان فيه عمل كتير لكن لا مناسب لسن الشخص ولا مؤهله ولا اي حاجة منهم من يقبل هذا العمل اللي مالوش دعوة بيه .. ومنهم من يرفض ويريد ان يعمل في تخصصه الدقيق وهذا نادر

وهناك فئة اخري لا تجد الطريق للعمل اصلا يعني يكون هناك مكان محتاج لعمالة والشاب لا يعرف بها

لا يوجد اتصال
ربما هناك اسباب اخري
وهناك عدم رضي بالعمال الموجودة تجعل الشاب يبحث دائما عن غيره لتحسن وضعه

ولكن هو فعلا موضوع كبير جدا
ومحتاج بحث واسع ومحترف

تحياتي

غير معرف يقول...

عزيزي
المشكله ان مفيش اعداد صح للشباب لمواجهه سوق العمل بمعني ان في أمريكا مثلا الشباب متعود هناك انه يشتغل جنبا الي جنب مع الدراسه كام واحد في مصر بيعمل كده؟مش كتير
الطالب بيخلص المدرسه يدخل علي الجامعه و عايز اول مايتخرج يلاقي شغلانه بمرتب خيالي طب ازاي؟فين المؤهلات اللي تأهلك لكده؟
هي مجموعه من العوامل اللي بتؤدي للبطاله
تحياتي ليك علي اثاره هذا الموضوع الهام

الازهرى يقول...

الصديقة العزيزة kochia

انت تجمعين هنا بين الرأى الاول والثانى
كما انتك تضيفين الى ذلك عدم وجود اتصال بين اصحاب العمل المريدين للعمالة والعمالة الغير مفعلة وهذه نقطة تسنحق الدراسة

ولا اريد ان انتظر قيام احدهم ببحث محترف فتجميع الاراء من الشباب مباشرة ربما يكون افضل واقل مجهودا كم انه يكون اكثر واقعية
وربما نصل معا الى حل نصل به الى بر آمن

شكرا لمرورك واهلا بك دائما

الازهرى يقول...

الصديقة العزيزة اجندا حمرا

رأى جميل ومنطقى يضاف الى الاراء ارجوا ان نكمل جميع جوانب المشكلة قدر المستطاع

وارجوا ان نتخلص منها قريبا


وشكرا للزيارة واهلا بك دائما

سندس وأمل يقول...

أستغفر الله العظيم دى تالت مرة أكتب

فيها التعليق وبما إن حضرتك بتسأل

مين السبب فا السبب فينا إحنا من

البداية إحنا اللى إهملنا الشغل

وطنشنا وده إترتب عليه إن إحنا نفقد

الشغل ومع زيادة عددنا زاد قلة

الشغل .........ودى مجرد وجهة نظر

"سندس"

شهد الكلمات يقول...

العبيب في الناس و في الظروف
ال2 مع بعض

الظروف اللي حوالينا صعبة و بتفرض عليك خطوط تمشي عليها حتي لو انت مش حبيبها

و الناس نفسها معندها واجهة تمشي عليها بيتخبطوا لان كتير من الشعب عندنا مش طموح عايز يعيش اليوم و خلاص مافيش تطلعات للتطور لا له ولا لمجتمعه

لا و كله كوم و القلاطة كوم يبقي الواد شحط و حلو كدةو متخرج ولا حتي فاشل في الدراسة و بيدبلر بقاله عشرين سنة و مش مكسوف من نفسه لما ياخد مصروفه من باباه
ماتشتغل اي حاجة كون بيها نفسك و بعدين شوف طموحك يوديك فين
ماقولتش يشتغل سباك و لا زبال بس الشغل كتير طالما مش عيب ولا حرام

العيب و الغلط استسلمنا للظروف و القاء اللوم ع الغير و الظروف

زي زي غيري اللي علق
الموضوع كبير جدا و عايز لوحده مدونة

سعيدة باول زيارة لمدونتك

و مبروك لك ع المدونة

تحياتي

الازهرى يقول...

العزيزة سندس

وجهة نظر جميلة وتحترم
سواء ممن يوافقا او يخالفها

وهى الاكثر شيوعا حتى الان

تحياتى

الازهرى يقول...

العزيزة شهد الكلمات

لقد وضعت يدك على جرح اخر وهو ان بعض الشباب لا يعمل وبالاضافة الى ذلك
لا يتأنى فى المصاريف بل ويكلف اهله اكثر مما كان يدرس
ولا يعترف بان يخفض من نفقاته خوفا من نظر الاخرين اليه ضاربا بعرض الحائط المجهود الذى تبذله الاسرة فى توفير هذا المال

شكرا للمرور
والف شكر على الرأى الجيد

محمد مارو يقول...

الموضوع مش بيتحسب كده يا صاحبى
يعنى موضوع زى البطاله ده

اكييييييييييييييييد مش الكل هيتفق على راى واحد

مثلا لو واحد شغال و مرتاح هيقولك مفيش بطاله و لو واحد شغال و طالع عينه برضو هيقول مفيش بطاله لكن تعالى لواحد مش شغال هيلعن الدنيا بما فيها

الازهرى يقول...

العزيز محمد مارو


اكييييييييييييييييد مش الكل هيتفق على راى واحد

وهذا هو اقصى ما ارجوه فالاختلاف فى وجهات النظر هو الذى يولد رأيا صائبا فى النهاية
ولكن الرأى الاوحد والتعظيم له وعدم مناقشته هو السبب فى ما آل اليه امرنا

شكرا للتعليق

Unknown يقول...

الشيئ الاكيد عندنا اننا دائما بنلاقي كلام كتتتتتتتتتييييييييير قوي ...ولا نجد شيئ واحد نعمله ...عارف ليه يا باشا لأننا لا نريد ان نعمل شيئ .

الازهرى يقول...

صديقى المهاجر

نحن اول امة كان لها سوق للكلام يتبارون فيه
وان كان الاقدمون يقرنون الكلام بالفعل
فنحن نكتفى بالكلام فقط

تحياتى